Аб правядзенні раённага этапа III рэспубліканскага фестывалю-конкурсу даследчых праектаў навучэнцаў “Нашчадкі традыцый”

У адпаведнасці з Праграмай бесперапыннага выхавання дзяцей і вучнёўскай моладзі на 2021–2025 гады, Дзяржаўнай праграмай “Адукацыя і маладзёжная палітыка” на 2021–2025 гады, Праграмай патрыятычнага выхавання насельніцтва на 2022–2025 гады

ЗАГАДВАЮ:

1. Правесці з 27 лютага па 31 мая 2023 года раённы этап IIIрэспубліканскага фестывалю-конкурсу даследчых праектаў навучэнцаў “Нашчадкі традыцый” (далей – конкурс).

2. Зацвердзіць умовы правядзення конкурсу і склад журы згодна з дадаткамі 1, 2 .

3. Кіраўнікам устаноў адукацыі забяспечыць ўдзел навучэнцаў у раённым этапе конкурсу згодна з ўмовамі правядзення.

4. ДУА “Цэнтр дадатковай адукацыі дзяцей і моладзі Баранавіцкага раёна” (Шлеведа Т.В.) забяспечыць арганізацыю і правядзенне раённага этапу конкурсу.

5. Кантроль выканання загада ўскласці на намесніка начальніка аддзела па адукацыі Валяк В.У.

Дадатак 1

                                                           ЗАЦВЕРДЖАНА

                                                           Загад начальніка аддзела па адукацыі

                                                           Баранавіцкага райвыканкама                              

Умовы

правядзення раённага этапа IIIрэспубліканскага фестывалю-конкурсу даследчых праектаў навучэнцаў “Нашчадкі традыцый”

I.                  Агульныя палажэнні

1.1. Дадзеныя ўмовы вызначаюць парадак арганізацыі і правядзення IIIрэспубліканскага фестывалю-конкурсу даследчых праектаў навучэнцаў “Нашчадкі традыцый” (далей – конкурс).

1.2. Конкурс праводзіцца ў адпаведнасці з Канцэпцыяй бесперапыннага выхавання дзяцей і вучнёўскай моладзі, Праграмай бесперапыннага выхавання дзяцей і вучнёўскай моладзі на 2021–2025 гады, Дзяржаўнай праграмай “Адукацыя і маладзёжная палітыка” на 2021–2025 гады, Праграмай патрыятычнага выхавання насельніцтва на 2022–2025 гады.

1.3. Арганізатарамі конкурсу з’яўляюцца Міністэрства адукацыі Рэспублікі Беларусь, установа адукацыі “Нацыянальны цэнтр мастацкай творчасці дзяцей і моладзі” Міністэрства адукацыі Рэспублікі Беларусь (далей – Нацыянальны цэнтр мастацкай творчасці дзяцей і моладзі).

1.4. Конкурс праводзіцца з мэтай патрыятычнага і духоўна-маральнага выхавання навучэнцаў праз іх далучэнне да каштоўнасцей беларускай культурнай спадчыны, вывучэння рэгіянальных народных традыцый і развіцця даследчай творчасці ў галіне беларускага народнага мастацтва.

Задачы:

павышэнне матывацыі да даследчай дзейнасці і развіццё пазнавальнай актыўнасці навучэнцаў;

падтрымка і развіццё творчай ініцыятывы па выкарыстанні і распаўсюджванні мастацкіх традыцый рэгіёна;

развіццё практычных навыкаў і творчых здольнасцей навучэнцаў сродкамі беларускай народнай творчасці;

выхаванне павагі да народнай культуры, гісторыі, пашырэнне ведаў, удасканаленне этнакультурных і даследчых кампетэнцый, майстэрства па выкананні і прэзентацыі мастацкіх твораў;

садзейнічанне сацыялізацыі асобы ва ўмовах сучаснага грамадства з улікам выхаваўча-адукацыйнага патэнцыялу беларускай народнай спадчыны.

1.5. раённы этап конкурсу праводзіцца да 31 мая 2023 года.

Намінацыі конкурсу:

“Культурныя традыцыі і абрады роднага краю”(каляндарныя і сямейныя абрады і святы, святочна-абрадавы комплекс: абрадавая дзея, дэкаратыўна-прыкладная атрыбутыка, музычны фальклор; народны тэатр батлейка).

“Музычная спадчына маёй Радзімы”(народныя музычныя традыцыі беларусаў, песенныя, танцавальныя, інструментальныя выканальніцкія стылі).

“Рукатворныя помнікі народнага мастацтва маёй краіны”(мастацкія творы дэкаратыўна-прыкладной творчасці, традыцыйныя рамёствы і промыслы).

У кожнай з намінацый прадстаўляюццаіндывідуальныя і калектыўныяпраекты, якія накіраваны на даследаванне, захаванне, папулярызацыю традыцыйнай культуры беларусаў, мастацкую рэканструкцыю і творчае пераасэнсаванне народнай спадчыны ў сучасных умовах.

II. Удзельнікі конкурсу.

2.1. У конкурсе прымаюць удзел навучэнцы (аўтары індывідуальных і калектыўных праектаў) устаноў агульнай сярэдняй адукацыі, устаноў дадатковай адукацыі дзяцей і моладзі, педагагічныя работнікі, якія ажыццяўляюць падтрымку праектна-даследчай дзейнасці і яе метадычнае суправаджэнне.

2.2. Узроставая катэгорыя ўдзельнікаў конкурсу – ад 12 да 17 гадоў.

III. Парадак арганізацыі і правядзення конкурсу.

На кожным этапе конкурсу ствараюцца арганізацыйныя камітэты (далей – аргкамітэты):

на першым этапе – кіраўнікамі ўстаноў адукацыі;

на другім, трэцім этапах – адпаведнымі структурнымі падраздзяленнямі абласных выканаўчых камітэтаў, якія ажыццяўляюць дзяржаўна-ўладныя паўнамоцтвы ў сферы адукацыі;

на чацвёртым (заключным) этапе – Міністэрствам адукацыі Рэспублікі Беларусь.

Аргкамітэт узначальвае старшыня. Аргкамітэт кожнага этапу конкурсу фарміруе і зацвярджае склад журы.

3.2. Рэспубліканскі аргкамітэт:

інфармуе ўпраўленні адукацыі аблвыканкамаў аб умовах правядзення конкурсу і яго выніках;

фарміруе і зацвярджае склад экспертнай камісіі і журы конкурсу;

прымае матэрыялы на конкурс і арганізуе іх экспертызу;

зацвярджае на выснове пратакола пасяджэння экспертнай камісіі і журы вынікі конкурсу і ўзнагароджвае пераможцаў і прызёраў.

3.3. Рэспубліканскі конкурс праводзіцца ў чатыры этапы:

  першы этап(адборачны) – снежань 2022 года – красавік 2023 года – праводзіцца ва ўстановах дадатковай адукацыі дзяцей і моладзі і ўстановах агульнай сярэдняй адукацыі, уключае распрацоўку і рэалізацыю праектаў;

  другі этап(адборачны) – май 2023 года – раённы;

трэці этап(адборачны)– чэрвень – жнівень 2023 года – абласны. Арганізацыя экспертызы матэрыялаў, вызначэнне пераможцаў і прызёраў абласнога этапа конкурсу;

чацвёрты этап(заключны)– верасень – лістапад 2023 года – рэспубліканскі.

3.4. Праект складаецца з тэкставай (друкаванай) распрацоўкі і відэароліка з дэманстрацыяй вопыту і вынікаў праектнай дзейнасці. Матэрыялы прадстаўляюцца на беларускай мове.

3.5. Афармленне і структура тэкставай распрацоўкі праекта ўключае наступныя часткі:

тытульны ліст (змяшчае: поўную назву ўстановы; тэму праекта; прозвішча, імя навучэнца(-цаў)-аўтара(-аў) праекта; узроставую катэгорыю; назву аб’яднання па інтарэсах; прозвішча, імя і імя па бацьку кіраўніка праекта; горад, год);

змест (уключае назву ўсіх загалоўкаў з указаннем нумароў старонак, на якіх размяшчаюцца матэрыялы);

пашпарт праекта (уключае: назву праекта; тып праекта; адукацыйную вобласць; метады, выкарыстаныя ў праекце; формы прадстаўлення вынікаў праекта; установы і арганізацыі, ва ўзаемадзеянні з якімі выконваецца праект);

уводзіны (аб’ём да дзвюх старонак): абгрунтаванне актуальнасці і ідэі, мэты і задачы праекта.

асноўная частка (тэарэтычная і практычная, не больш за 10–15 старонак), у якой раскрываецца змест праблемы; аналізуюцца розныя пункты гледжання па праблеме даследавання, прадстаўленыя ў літаратуры; даецца апісанне і аналіз шляхоў і метадаў вырашэння праблемы; апісанне працэсу і зместу праектнай дзейнасці, мастацкага (творчага) прадукту праекта, выкарыстоўваецца даследчы матэрыял;

заключэнне (абагульняюцца і аналізуюцца вынікі праектнай дзейнасці);

спіс літаратуры;

дадаткі могуць уключаць даведачна-суправаджальныя, фальклорна-этнаграфічныя матэрыялы, распрацоўкі сцэнарыяў, тэхналагічныя карты, фотаілюстрацыі, буклеты, дадатковыя табліцы, графікі, малюнкі і іншыя матэрыялы, неабходныя для лепшага разумення зместу і атрыманых вынікаў.

Праект выконваецца ў адпаведнасці з наступнымі патрабаваннямі фарматавання: тэкст работы друкуецца з дзвюх старонак ліста ў фармаце А4 з палямі: злева – 30 мм, справа – 10 мм, зверху і знізу – 20 мм у тэкставым рэдактары Word (не ніжэй Word 97), шрыфтам 14 Times New Roman, міжрадковым інтэрвалам – 1.

Загалоўкі друкуюцца малымі літарамі (першая – вялікая). Старонкі неабходна нумараваць арабскімі лічбамі. Нумар старонкі прастаўляецца на ніжнім полі старонкі па цэнтры.

У табліцах варта выкарыстоўваць толькі адзін стыль межаў – суцэльную лінію (табліцы патрэбна афармляць карэктна па ўсіх правілах работы з табліцамі ў рэдактары MS Word). Усе наяўныя ў тэксце гіперспасылкі павінны быць рабочымі.

Спіс літаратуры і інтэрнэт-рэсурсаў варта размясціць у канцы дакумента. У тэксце спасылкі на літаратуру афармляюцца ў квадратных дужках.

3.6. У відэароліках аўтары прэзентуюць вопыт і дэманструюць прадукты праектнай дзейнасці: мастацкую рэканструкцыю святочна-абрадавых комплексаў, фальклорна-тэатральных прадстаўленняў і інш. з выкарыстаннем адпаведных элементаў, мастацкія вырабы народнай дэкаратыўна-прыкладной творчасці, творы музычнага песеннага, інструментальнага, харэаграфічнага фальклору і інш. Аўтары выкарыстоўваюць непасрэдны каменціраваны паказ у дэманстрацыі вынікаў і прадуктаў творчай праектнай дзейнасці, рашэнні даследчых і практычных задач.

Працягласць відэароліка – да 10 хвілін, тэхнічныя параметры: HD1280х720; 1920х1080; фармат відэафайла – mp 4, AVI.

3.7. Праекты прадастаўляюцца ў электроным і папяровым варыянце. Папяровыя варыянты прадастаўляюцца ў кабінет 620 (Берташ М.В.), заяўкі на ўдзел і электроныя спасылкі на электроную пошту cdo@bar-roo-edu.brest.byда 31 мая 2023 года.

IV. Падвядзенне вынікаў конкурсу.

4.1. Крытэрыі ацэнкі:

  актуальнасць і значнасць, аргументацыя канцэпцыі праекта;

  лагічнасць, паўната раскрыцця тэмы;

  самастойнасць даследавання;

  стыль, мова выкладання матэрыялу (яснасць, вобразнасць, лаканічнасць, лексіка, граматыка);

  наяўнасць абгрунтаваных высноў;

  адпаведнасць рэгіянальным мастацкім традыцыям;

  культура афармлення і прэзентацыі праекта;

  мастацкая выразнасць і якасць выканання (для творчых прадуктаў праектнай дзейнасці);

  крэатыўнасць, лаканічнасць і творчы падыход у прэзентацыі праекта;

  адпаведнасць умовам конкурсу.

  4.2 Фінансаванне раённых і абласных этапаў конкурсу ажыццяўляецца ва ўстаноўленым парадку за кошт сродкаў мясцовых бюджэтаў, што выдзяляюцца на цэнтралізаваныя мерапрыемствы ў галіне адукацыі, і іншых крыніц, не забароненых заканадаўствам.

Дадатак 2

                                                           ЗАЦВЕРДЖАНА

                                                           Загад начальніка аддзела па адукацыі

                                                           Баранавіцкага райвыканкама                              

Журы

раённага этапа IIIрэспубліканскага фестывалю-конкурсу даследчых праектаў навучэнцаў “Нашчадкі традыцый”

Дадатак 3

СКЛАД

арганізацыйнага камітэту па правядзенні

раённага этапа III рэспубліканскага фестывалю-конкурсу даследчых праектаў навучэнцаў “Нашчадкі традыцый”

Дадатак 4

Заяўка на ўдзел у раённым этапе IIIРэспубліканскага фестывалю-конкурсу даследчых праектаў навучэнцаў “Нашчадкі традыцый”